อคฺคมคฺคสมงฺคี วิจิกิจฺฉานุสยญฺจ กามราคานุสยญฺจ ปฏิฆานุสยญฺจ ทิฏฺฐานุสยญฺจ นปฺปชหติ, โน จ โส มานานุสยํ นปฺปชหติฯ ทฺวินฺนํ มคฺคสมงฺคีนญฺจ อฏฺฐมกญฺจ ฐเปตฺวา อวเสสา ปุคฺคลา วิจิกิจฺฉานุสยญฺจ นปฺปชหนฺติ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ นปฺปชหนฺติ …เป.…ฯ (จตุกฺกมูลกํ)

[174] โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ นปฺปชหติ โส ภวราคานุสยํ…เป.… อวิชฺชานุสยํ นปฺปชหตีติ? อามนฺตาฯ

โย วา ปน อวิชฺชานุสยํ นปฺปชหติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ นปฺปชหตีติ?

อฏฺฐมโก อวิชฺชานุสยญฺจ กามราคานุสยญฺจ ปฏิฆานุสยญฺจ มานานุสยญฺจ นปฺปชหติ, โน จ โส ทิฏฺฐานุสยญฺจ วิจิกิจฺฉานุสยญฺจ นปฺปชหติฯ อนาคามิมคฺคสมงฺคี อวิชฺชานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ นปฺปชหติ, โน จ โส กามราคานุสยญฺจ ปฏิฆานุสยญฺจ นปฺปชหติฯ ทฺวินฺนํ มคฺคสมงฺคีนญฺจ อฏฺฐมกญฺจ ฐเปตฺวา อวเสสา ปุคฺคลา อวิชฺชานุสยญฺจ นปฺปชหนฺติ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ นปฺปชหนฺติฯ (ปญฺจกมูลกํ)

[175] (ก) โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ นปฺปชหติ โส อวิชฺชานุสยํ นปฺปชหตีติ? อามนฺตาฯ

(ข) โย วา ปน อวิชฺชานุสยํ นปฺปชหติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ นปฺปชหตีติ?

อฏฺฐมโก อวิชฺชานุสยญฺจ กามราคานุสยญฺจ ปฏิฆานุสยญฺจ มานานุสยญฺจ ภวราคานุสยญฺจ นปฺปชหติ, โน จ โส ทิฏฺฐานุสยญฺจ วิจิกิจฺฉานุสยญฺจ นปฺปชหติฯ อนาคามิมคฺคสมงฺคี อวิชฺชานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ นปฺปชหติ, โน จ โส กามราคานุสยญฺจ ปฏิฆานุสยญฺจ นปฺปชหติฯ ทฺวินฺนํ มคฺคสมงฺคีนญฺจ อฏฺฐมกญฺจ ฐเปตฺวา อวเสสา ปุคฺคลา อวิชฺชานุสยญฺจ นปฺปชหนฺติ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ นปฺปชหนฺติฯ (ฉกฺกมูลกํ)

(ง) ปฏิโลมโอกาโส

[176] (ก) ยโต กามราคานุสยํ นปฺปชหติ ตโต ปฏิฆานุสยํ นปฺปชหตีติ?

ทุกฺขาย เวทนาย ตโต กามราคานุสยํ นปฺปชหติ, โน จ ตโต ปฏิฆานุสยํ นปฺปชหติฯ รูปธาตุยา อรูปธาตุยา อปริยาปนฺเน ตโต กามราคานุสยญฺจ นปฺปชหติ ปฏิฆานุสยญฺจ นปฺปชหติฯ

(ข) ยโต วา ปน ปฏิฆานุสยํ นปฺปชหติ ตโต กามราคานุสยํ นปฺปชหตีติ?

กามธาตุยา ทฺวีสุ เวทนาสุ ตโต ปฏิฆานุสยํ นปฺปชหติ, โน จ ตโต กามราคานุสยํ นปฺปชหติฯ รูปธาตุยา อรูปธาตุยา อปริยาปนฺเน ตโต ปฏิฆานุสยญฺจ นปฺปชหติ กามราคานุสยญฺจ นปฺปชหติฯ

(ก) ยโต กามราคานุสยํ นปฺปชหติ ตโต มานานุสยํ นปฺปชหตีติ?

รูปธาตุยา อรูปธาตุยา ตโต กามราคานุสยํ นปฺปชหติ, โน จ ตโต มานานุสยํ นปฺปชหติฯ ทุกฺขาย เวทนาย อปริยาปนฺเน ตโต กามราคานุสยญฺจ นปฺปชหติ มานานุสยญฺจ นปฺปชหติฯ

(ข) ยโต วา ปน มานานุสยํ นปฺปชหติ ตโต กามราคานุสยํ นปฺปชหตีติ? อามนฺตาฯ

ยโต กามราคานุสยํ นปฺปชหติ ตโต ทิฏฺฐานุสยํ…เป.… วิจิกิจฺฉานุสยํ นปฺปชหตีติ?

ทุกฺขาย เวทนาย รูปธาตุยา อรูปธาตุยา ตโต กามราคานุสยํ นปฺปชหติ, โน จ ตโต วิจิกิจฺฉานุสยํ นปฺปชหติฯ อปริยาปนฺเน ตโต กามราคานุสยญฺจ นปฺปชหติ วิจิกิจฺฉานุสยญฺจ นปฺปชหติฯ

ยโต วา ปน วิจิกิจฺฉานุสยํ นปฺปชหติ ตโต กามราคานุสยํ นปฺปชหตีติ? อามนฺตาฯ

(ก) ยโต กามราคานุสยํ นปฺปชหติ ตโต ภวราคานุสยํ นปฺปชหตีติ?

รูปธาตุยา อรูปธาตุยา ตโต กามราคานุสยํ นปฺปชหติ, โน จ ตโต ภวราคานุสยํ นปฺปชหติฯ ทุกฺขาย เวทนาย อปริยาปนฺเน ตโต กามราคานุสยญฺจ นปฺปชหติ ภวราคานุสยญฺจ นปฺปชหติฯ

(ข) ยโต วา ปน ภวราคานุสยํ นปฺปชหติ ตโต กามราคานุสยํ นปฺปชหตีติ?

กามธาตุยา ทฺวีสุ เวทนาสุ ตโต ภวราคานุสยํ นปฺปชหติ, โน จ ตโต กามราคานุสยํ นปฺปชหติฯ ทุกฺขาย เวทนาย อปริยาปนฺเน ตโต ภวราคานุสยญฺจ นปฺปชหติ กามราคานุสยญฺจ นปฺปชหติฯ

(ก) ยโต กามราคานุสยํ นปฺปชหติ ตโต อวิชฺชานุสยํ นปฺปชหตีติ?

ทุกฺขาย เวทนาย รูปธาตุยา อรูปธาตุยา ตโต กามราคานุสยํ นปฺปชหติ, โน จ ตโต อวิชฺชานุสยํ นปฺปชหติฯ อปริยาปนฺเน ตโต กามราคานุสยญฺจ นปฺปชหติ อวิชฺชานุสยญฺจ นปฺปชหติฯ

(ข) ยโต วา ปน อวิชฺชานุสยํ นปฺปชหติ ตโต กามราคานุสยํ นปฺปชหตีติ? อามนฺตาฯ

[177] (ก) ยโต ปฏิฆานุสยํ นปฺปชหติ ตโต มานานุสยํ นปฺปชหตีติ?

กามธาตุยา ทฺวีสุ เวทนาสุ รูปธาตุยา อรูปธาตุยา ตโต ปฏิฆานุสยํ นปฺปชหติ, โน จ ตโต มานานุสยํ นปฺปชหติฯ อปริยาปนฺเน ตโต ปฏิฆานุสยญฺจ นปฺปชหติ มานานุสยญฺจ นปฺปชหติฯ

(ข) ยโต วา ปน มานานุสยํ นปฺปชหติ ตโต ปฏิฆานุสยํ นปฺปชหตีติ?

ทุกฺขาย เวทนาย ตโต มานานุสยํ นปฺปชหติ, โน จ ตโต ปฏิฆานุสยํ นปฺปชหติฯ อปริยาปนฺเน ตโต มานานุสยญฺจ นปฺปชหติ ปฏิฆานุสยญฺจ นปฺปชหติฯ

ยโต ปฏิฆานุสยํ นปฺปชหติ ตโต ทิฏฺฐานุสยํ…เป.… วิจิกิจฺฉานุสยํ นปฺปชหตีติ?

กามธาตุยา ทฺวีสุ เวทนาสุ รูปธาตุยา อรูปธาตุยา ตโต ปฏิฆานุสยํ นปฺปชหติ, โน จ ตโต วิจิกิจฺฉานุสยํ นปฺปชหติฯ อปริยาปนฺเน ตโต ปฏิฆานุสยญฺจ นปฺปชหติ วิจิกิจฺฉานุสยญฺจ นปฺปชหติฯ

ยโต วา ปน วิจิกิจฺฉานุสยํ นปฺปชหติ ตโต ปฏิฆานุสยํ นปฺปชหตีติ? อามนฺตาฯ

(ก) ยโต ปฏิฆานุสยํ นปฺปชหติ ตโต ภวราคานุสยํ นปฺปชหตีติ?

รูปธาตุยา อรูปธาตุยา ตโต ปฏิฆานุสยํ นปฺปชหติ, โน จ ตโต ภวราคานุสยํ นปฺปชหติฯ กามธาตุยา ทฺวีสุ เวทนาสุ อปริยาปนฺเน ตโต ปฏิฆานุสยญฺจ นปฺปชหติ ภวราคานุสยญฺจ นปฺปชหติฯ

(ข) ยโต วา ปน ภวราคานุสยํ นปฺปชหติ ตโต ปฏิฆานุสยํ นปฺปชหตีติ?

ทุกฺขาย เวทนาย ตโต ภวราคานุสยํ นปฺปชหติ, โน จ ตโต ปฏิฆานุสยํ นปฺปชหติฯ กามธาตุยา ทฺวีสุ เวทนาสุ อปริยาปนฺเน ตโต ภวราคานุสยญฺจ นปฺปชหติ ปฏิฆานุสยญฺจ นปฺปชหติฯ

(ก) ยโต ปฏิฆานุสยํ นปฺปชหติ ตโต อวิชฺชานุสยํ นปฺปชหตีติ?

กามธาตุยา ทฺวีสุ เวทนาสุ รูปธาตุยา อรูปธาตุยา ตโต ปฏิฆานุสยํ นปฺปชหติ, โน จ ตโต อวิชฺชานุสยํ นปฺปชหติฯ

อปริยาปนฺเน ตโต ปฏิฆานุสยญฺจ นปฺปชหติ อวิชฺชานุสยญฺจ นปฺปชหติฯ

(ข) ยโต วา ปน อวิชฺชานุสยํ นปฺปชหติ ตโต ปฏิฆานุสยํ นปฺปชหตีติ? อามนฺตาฯ

[178] ยโต มานานุสยํ นปฺปชหติ ตโต ทิฏฺฐานุสยํ…เป.… วิจิกิจฺฉานุสยํ นปฺปชหตีติ?

ทุกฺขาย เวทนาย ตโต มานานุสยํ นปฺปชหติ , โน จ ตโต วิจิกิจฺฉานุสยํ นปฺปชหติฯ อปริยาปนฺเน ตโต มานานุสยญฺจ นปฺปชหติ วิจิกิจฺฉานุสยญฺจ นปฺปชหติฯ ยโต วา ปน วิจิกิจฺฉานุสยํ นปฺปชหติ ตโต มานานุสยํ นปฺปชหตีติ? อามนฺตาฯ

(ก) ยโต มานานุสยํ นปฺปชหติ ตโต ภวราคานุสยํ นปฺปชหตีติ? อามนฺตาฯ

(ข) ยโต วา ปน ภวราคานุสยํ นปฺปชหติ ตโต มานานุสยํ นปฺปชหตีติ?

กามธาตุยา ทฺวีสุ เวทนาสุ ตโต ภวราคานุสยํ นปฺปชหติ, โน จ ตโต มานานุสยํ นปฺปชหติฯ ทุกฺขาย เวทนาย อปริยาปนฺเน ตโต ภวราคานุสยญฺจ นปฺปชหติ มานานุสยญฺจ นปฺปชหติฯ

(ก) ยโต มานานุสยํ นปฺปชหติ ตโต อวิชฺชานุสยํ นปฺปชหตีติ?

ทุกฺขาย เวทนาย ตโต มานานุสยํ นปฺปชหติ, โน จ ตโต อวิชฺชานุสยํ นปฺปชหติฯ อปริยาปนฺเน ตโต มานานุสยญฺจ นปฺปชหติ อวิชฺชานุสยญฺจ นปฺปชหติฯ

(ข) ยโต วา ปน อวิชฺชานุสยํ นปฺปชหติ ตโต มานานุสยํ นปฺปชหตีติ? อามนฺตาฯ

[179] (ก) ยโต ทิฏฺฐานุสยํ นปฺปชหติ ตโต วิจิกิจฺฉานุสยํ นปฺปชหตีติ? อามนฺตาฯ

(ข) ยโต วา ปน วิจิกิจฺฉานุสยํ นปฺปชหติ ตโต ทิฏฺฐานุสยํ นปฺปชหตีติ? อามนฺตาฯ

[180] (ก) ยโต วิจิกิจฺฉานุสยํ นปฺปชหติ ตโต ภวราคานุสยํ นปฺปชหตีติ? อามนฺตาฯ

(ข) ยโต วา ปน ภวราคานุสยํ นปฺปชหติ ตโต วิจิกิจฺฉานุสยํ นปฺปชหตีติ?

กามธาตุยา ตีสุ เวทนาสุ ตโต ภวราคานุสยํ นปฺปชหติ, โน จ ตโต วิจิกิจฺฉานุสยํ นปฺปชหติ; อปริยาปนฺเน ตโต ภวราคานุสยญฺจ นปฺปชหติ วิจิกิจฺฉานุสยญฺจ นปฺปชหติฯ

(ก) ยโต วิจิกิจฺฉานุสยํ นปฺปชหติ ตโต อวิชฺชานุสยํ นปฺปชหตีติ? อามนฺตาฯ

(ข) ยโต วา ปน อวิชฺชานุสยํ นปฺปชหติ ตโต วิจิกิจฺฉานุสยํ นปฺปชหตีติ? อามนฺตาฯ

[181] (ก) ยโต ภวราคานุสยํ นปฺปชหติ ตโต อวิชฺชานุสยํ นปฺปชหตีติ?

กามธาตุยา ตีสุ เวทนาสุ ตโต ภวราคานุสยํ นปฺปชหติ, โน จ ตโต อวิชฺชานุสยํ นปฺปชหติฯ อปริยาปนฺเน ตโต ภวราคานุสยญฺจ นปฺปชหติ อวิชฺชานุสยญฺจ นปฺปชหติฯ

(ข) ยโต วา ปน อวิชฺชานุสยํ นปฺปชหติ ตโต ภวราคานุสยํ นปฺปชหตีติ? อามนฺตาฯ (เอกมูลกํ)

[182] (ก) ยโต กามราคานุสยญฺจ ปฏิฆานุสยญฺจ นปฺปชหติ ตโต มานานุสยํ นปฺปชหตีติ?

รูปธาตุยา อรูปธาตุยา ตโต กามราคานุสยญฺจ ปฏิฆานุสยญฺจ นปฺปชหติ, โน จ ตโต มานานุสยํ นปฺปชหติฯ อปริยาปนฺเน ตโต กามราคานุสยญฺจ ปฏิฆานุสยญฺจ นปฺปชหติ มานานุสยญฺจ นปฺปชหติฯ

(ข) ยโต วา ปน มานานุสยํ นปฺปชหติ ตโต กามราคานุสยญฺจ ปฏิฆานุสยญฺจ นปฺปชหตีติ?

ทุกฺขาย เวทนาย ตโต มานานุสยญฺจ กามราคานุสยญฺจ นปฺปชหติ, โน จ ตโต ปฏิฆานุสยํ นปฺปชหติฯ อปริยาปนฺเน ตโต มานานุสยญฺจ นปฺปชหติ กามราคานุสยญฺจ ปฏิฆานุสยญฺจ นปฺปชหติฯ

ยโต กามราคานุสยญฺจ ปฏิฆานุสยญฺจ นปฺปชหติ ตโต ทิฏฺฐานุสยํ…เป.… วิจิกิจฺฉานุสยํ นปฺปชหตีติ?

รูปธาตุยา อรูปธาตุยา ตโต กามราคานุสยญฺจ ปฏิฆานุสยญฺจ นปฺปชหติ, โน จ ตโต วิจิกิจฺฉานุสยํ นปฺปชหติฯ อปริยาปนฺเน ตโต กามราคานุสยญฺจ ปฏิฆานุสยญฺจ นปฺปชหติ วิจิกิจฺฉานุสยญฺจ นปฺปชหติฯ ยโต วา ปน วิจิกิจฺฉานุสยํ นปฺปชหติ ตโต กามราคานุสยญฺจ ปฏิฆานุสยญฺจ นปฺปชหตีติ? อามนฺตาฯ

(ก) ยโต กามราคานุสยญฺจ ปฏิฆานุสยญฺจ นปฺปชหติ ตโต ภวราคานุสยํ นปฺปชหตีติ?

รูปธาตุยา อรูปธาตุยา ตโต กามราคานุสยญฺจ ปฏิฆานุสยญฺจ นปฺปชหติ, โน จ ตโต ภวราคานุสยํ นปฺปชหติฯ อปริยาปนฺเน ตโต กามราคานุสยญฺจ ปฏิฆานุสยญฺจ นปฺปชหติ ภวราคานุสยญฺจ นปฺปชหติฯ

(ข) ยโต วา ปน ภวราคานุสยํ นปฺปชหติ ตโต กามราคานุสยญฺจ ปฏิฆานุสยญฺจ นปฺปชหตีติ?

ทุกฺขาย เวทนาย ตโต ภวราคานุสยญฺจ กามราคานุสยญฺจ นปฺปชหติ, โน จ ตโต ปฏิฆานุสยํ นปฺปชหติฯ กามธาตุยา ทฺวีสุ เวทนาสุ ตโต ภวราคานุสยญฺจ ปฏิฆานุสยญฺจ นปฺปชหติ, โน จ ตโต กามราคานุสยํ นปฺปชหติฯ อปริยาปนฺเน ตโต ภวราคานุสยญฺจ นปฺปชหติ กามราคานุสยญฺจ ปฏิฆานุสยญฺจ นปฺปชหติฯ

(ก) ยโต กามราคานุสยญฺจ ปฏิฆานุสยญฺจ นปฺปชหติ ตโต อวิชฺชานุสยํ นปฺปชหตีติ?

รูปธาตุยา อรูปธาตุยา ตโต กามราคานุสยญฺจ ปฏิฆานุสยญฺจ นปฺปชหติ, โน จ ตโต อวิชฺชานุสยํ นปฺปชหติฯ อปริยาปนฺเน ตโต กามราคานุสยญฺจ ปฏิฆานุสยญฺจ นปฺปชหติ อวิชฺชานุสยญฺจ นปฺปชหติฯ

(ข) ยโต วา ปน อวิชฺชานุสยํ นปฺปชหติ ตโต กามราคานุสยญฺจ ปฏิฆานุสยญฺจ นปฺปชหตีติ? อามนฺตาฯ (ทุกมูลกํ)

[183] ยโต กามราคานุสยญฺจ ปฏิฆานุสยญฺจ มานานุสยญฺจ นปฺปชหติ ตโต ทิฏฺฐานุสยํ…เป.… วิจิกิจฺฉานุสยํ นปฺปชหตีติ? อามนฺตาฯ

ยโต วา ปน วิจิกิจฺฉานุสยํ นปฺปชหติ ตโต กามราคานุสยญฺจ ปฏิฆานุสยญฺจ มานานุสยญฺจ นปฺปชหตีติ? อามนฺตาฯ

(ก) ยโต กามราคานุสยญฺจ ปฏิฆานุสยญฺจ มานานุสยญฺจ นปฺปชหติ ตโต ภวราคานุสยํ นปฺปชหตีติ? อามนฺตาฯ

(ข) ยโต วา ปน ภวราคานุสยํ นปฺปชหติ ตโต กามราคานุสยญฺจ ปฏิฆานุสยญฺจ มานานุสยญฺจ นปฺปชหตีติ?

ทุกฺขาย เวทนาย ตโต ภวราคานุสยญฺจ กามราคานุสยญฺจ มานานุสยญฺจ นปฺปชหติ, โน จ ตโต ปฏิฆานุสยํ นปฺปชหติฯ กามธาตุยา ทฺวีสุ เวทนาสุ ตโต ภวราคานุสยญฺจ ปฏิฆานุสยญฺจ นปฺปชหติ, โน จ ตโต กามราคานุสยญฺจ มานานุสยญฺจ นปฺปชหติฯ อปริยาปนฺเน ตโต ภวราคานุสยญฺจ นปฺปชหติ กามราคานุสยญฺจ ปฏิฆานุสยญฺจ มานานุสยญฺจ นปฺปชหติฯ

(ก) ยโต กามราคานุสยญฺจ ปฏิฆานุสยญฺจ มานานุสยญฺจ นปฺปชหติ ตโต อวิชฺชานุสยํ นปฺปชหตีติ? อามนฺตาฯ

(ข) ยโต วา ปน อวิชฺชานุสยํ นปฺปชหติ ตโต กามราคานุสยญฺจ ปฏิฆานุสยญฺจ มานานุสยญฺจ นปฺปชหตีติ? อามนฺตาฯ (ติกมูลกํ)

[184] (ก) ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ นปฺปชหติ ตโต วิจิกิจฺฉานุสยํ นปฺปชหตีติ? อามนฺตาฯ

(ข) ยโต วา ปน วิจิกิจฺฉานุสยํ นปฺปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ นปฺปชหตีติ? อามนฺตา …เป.…ฯ (จตุกฺกมูลกํ)

[185] (ก) ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ นปฺปชหติ ตโต ภวราคานุสยํ นปฺปชหตีติ? อามนฺตาฯ

(ข) ยโต วา ปน ภวราคานุสยํ นปฺปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ นปฺปชหตีติ?

ทุกฺขาย เวทนาย ตโต ภวราคานุสยญฺจ กามราคานุสยญฺจ มานานุสยญฺจ นปฺปชหติ, โน จ ตโต ปฏิฆานุสยญฺจ ทิฏฺฐานุสยญฺจ วิจิกิจฺฉานุสยญฺจ นปฺปชหติฯ กามธาตุยา ทฺวีสุ เวทนาสุ ตโต ภวราคานุสยญฺจ ปฏิฆานุสยญฺจ นปฺปชหติ, โน จ ตโต กามราคานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ นปฺปชหติ ฯ อปริยาปนฺเน ตโต ภวราคานุสยญฺจ นปฺปชหติ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ นปฺปชหติฯ

(ก) ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ นปฺปชหติ ตโต อวิชฺชานุสยํ นปฺปชหตีติ? อามนฺตาฯ

(ข) ยโต วา ปน อวิชฺชานุสยํ นปฺปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ นปฺปชหตีติ? อามนฺตาฯ (ปญฺจกมูลกํ)

[186] (ก) ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ นปฺปชหติ ตโต อวิชฺชานุสยํ นปฺปชหตีติ? อามนฺตาฯ

(ข) ยโต วา ปน อวิชฺชานุสยํ นปฺปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ นปฺปชหตีติ? อามนฺตาฯ (ฉกฺกมูลกํ)

(จ) ปฏิโลมปุคฺคโลกาสา

[187] (ก) โย ยโต กามราคานุสยํ นปฺปชหติ โส ตโต ปฏิฆานุสยํ นปฺปชหตีติ?